Судењето против Мариглен Демири од „Левица“ поради учество во минатогодишните протести против аболицијата на претседателот Ѓорге Иванов денеска повторно е одложено.
Демири по излегување од судницата изјави дека не се чувствува виновен, а државата од него бара отштета од 8.500 евра.
– Судењето е одложено по третпат поради тоа што обвинителството не може да стигне до оригиналните документи за видео-надзорот. Толку функционира државата. Сè уште не се испрашани сведоците, а ниту јас, рече Демири.
Според обвинението тој е осомничен дека на 13 април минатата година пред Народната канцеларија на претседателот Ѓорѓе Иванов на „Рекорд“, во центарот на Скопје, учествувал во толпа која ја демолирала канцеларијата.
