ВИДЕО: Државата ќе се задолжи со половина милијарда евра за изградба на новиот клинички во Ѓорче Петров

Од:

Новиот клинички центар во Ѓорче Петров ќе чини 500 милиони евра, а ќе се финансира со кредитна линија од три комерцијални банки, кои веќе доставиле најдобра понуда, информира министерот Венко Филипче.

Под кои услови ќе се врши финансирањето, колкави ќе бидат каматните стапки, како и за колку време ќе се враќа кредитот, беа прашањата за кои новинарите беа најмногу заинтересирани на брифингот. Но, министерот Филипче ги упати новинарите овие информации да ги бараат во Министерството за финансии бидејќи, како што рече, тие ги правеле анализите и најпрецизно може да ги кажат деталите во врска со тоа колку државата е задолжена за новиот клинички центар.

„Министерството за финансии испрати 18 барања до меѓународни инвестициски фондови и комерцијални банки. Од нив, шест одговорија по што избрана е понудата проектот да се финансира од банките ‘Ерсте груп’, Рајфајзен банк и „Уникредит“.

Условите под кои ќе се враќа кредитот ги имаат во Финансии, па не би сакал да шпекулирам со бројки“, рече Филипче.

Министерот додаде дека имотно-правните односи се расчистени, а земјиштето на кое ќе се гради центарот е целосно во државна сопственост, односно нема да има експропријација.

Клиничкиот центар ќе се гради на земјиште од 30 хектари, вкупната површина на центарот ќе биде 105 илјади квадратни метри и ќе се одвива во три фази, а целосно се очекува да биде завршен за 7 години.

Во првата фаза, како што посочи Филипче, ќе бидат завршени инфраструктурните работи, како што се поставувањето вода, струја, канализација, за што ќе биде отворен тендер во август.

„Кога ќе завршат подготовките на теренот и комплетното завршување на проектната документација, може да се почне со градба, па очекуваме тоа да биде на почетокот на следната година“, рече Филипче.

Тој информира дека физибилити-студијата е готова и набргу ќе биде ставена на јавен увид. Што се однесува до стариот дел од постојниот објект, Министерството сè уште размислува колку и што од него ќе биде оставено во функција. Министерот, сепак, појасни дека објектот нема да биде затворен, туку ќе биде наменет како градска болница за оние што живеат во тој дел од Скопје.

Би можело да ве интересира

Се подготвува монтажен објект на Клиниката за пулмологија и алергологија

Ана Ололовска

МЗ: Во изминатиот период се набавија 12 нови амбулантни возила и 13 возила наменети за домашно лекување

Ана Ололовска

Клиниката за торакална и васкуларна хирургија ја доби најсовремената операциона сала во државава

Ана Ололовска

Воведени три нови типови инсулин со сертификат за квалитет, кои не се од паралелен увоз

Ана Ололовска

Филипче: Целосно е реновиран и за 30 отсто зголемен одделот за интензивно лекување на Клиниката за неврохирургија

Ана Ололовска

Заев и Филипче: Со трансплантацијата на срце испишавме историја во кардиохирургијата

Ана Ололовска