Нивоата на реките Црн Дрим кај Ложани и на Вардар кај Јегуновце се пет пати пониски од просекот за октомври, покажува денешното хидролошко мерење на УХМР.
Намалување на водостоите бележат и Вардар кај Зајчев Рид, Црна Река кај Новаци, Сатеска кај Ботун, Крива Река кај Крива Паланка, Треска кај Македонски Брод и Пчиња кај Катлановска Бања.
Повисоко ниво од октомврискиот просек има само на Вардар кај Демир Капија и на Брегалница кај Берово.
Според УХМР, нивото на Дојранското Езеро повторно е зголемено, од 82 центиметри колку што е просекот за октомври, на 174 центиметри, додека Охридското езеро е нешто под просекот.