Драма меѓу соседи се случила во скопската населба Топаана. Сосед влегол во домот на соседите и го нападнал соственикот, а потоа во дворот ја нападнал и неговата сопруга, додека малолетната ќерка на нападнатите успеала да му го одземе остриот предмет на насилникот и го нападнала.
„На 18.01.2022 во 22.15 часот било пријавено дека во нас.Топаана, додека М.С.(47) од Скопје бил во неговиот дом со семејството, дошол соседот Н.И.(46) од Скопје и започнал вербална расправија, која прераснала во меѓусебна физичка пресметка. Малку подоцна во дворот Н.И. со остар предмет ја повредил С.Д.(46), сопруга на М.С., а нивната малолетна ќерка му го одзела остриот предмет и со него го нападнала Н.И.. Со повреди се здобиле С.Д. и Н.И., по што биле пренесени во Градската општа болница „Св.Наум Охрдски“ и Комплексот клиники „Мајка Тереза“ за укажување на лекарска помош. Се работи на расчистување на случајот“, информираат од МВР.