ДПМ го поддржува Здружението на новинарите на Македонија

Од:

На својата редовна седница одржана денеска претседателството на Друштвото на писателите на Македонија, го осуди нападот на новинарите во Собранието на Република Македонија и нивното отстранување од новинарската галерија.

ДПМ, како што се наведува во соопштението, дава целосна поддршка на реакцијата на Здружението на новинарите на Македонија во одбрана на слободата во извршувањето на професионалните обврски и слободата на изразување и се придружува на барањето на ЗНМ за брзо и целосно расчистување на случајот што е без преседан и остава негативни и непредвидливи последици за демократските процеси во земјата.

Во соопштението се наведува дека ДПМ секогаш искажувало цврст и недвосмислен став на појави во културата, во општеството и во меѓународната заедница кои се спротивни на принципите и интересите на хуманоста, демократијата, нацијата и државата и оти останува на браникот на овие принципи и интереси.

Би можело да ве интересира

Кандидатите на претстојните локални избори ќе можат да се рекламираат на 329 медиуми во државата

13 кандидати за претседател на ДКСК

Собранието одлучи измените и дополнувањата на Изборниот законик да се носат во скратена постапка

Катерина Ѓуровски

Заврши рокот за пријавување на печатените и електронските медиуми за платено политичко рекламирање за учесниците во изборната кампања

Фатон Сељами предложен за нов Народен правобранител

Собранието ја прифати интерпелацијата за државниот обвинител Коцевски

Катерина Ѓуровски