Демократската партија на Албанците (ДПА) вчера во рамки на кампањата „Еден чекор напред за НАТО и ЕУ“ одржа средби со жителите на општините Џепчиште и Желино.
Претседателот на ДПА, Мендух Тачи повика на посериозна мобилизација и нагласи дека гласањето е она што ја одредува иднината на нашата земја.
– Ние со нашата волја како Албанци на референдумот на 30 септември ќе ја запечатиме ориентација на земјата кон НАТО и ЕУ. Нашата определба е про-запад, про-НАТО и ЕУ и ние треба на скептиците да им кажаме отворено дека секоја наша битка надвор од оваа дефиниција нема никаква смисла, изјави Тачи.