Демократската Партија на Албанците синоќа одржа седница на централното претседателство во проширен состав заедно со претседателите на ограноците на партијата. На седницата се одлучи да се формира централен партиски штаб за претстојниот референдум кој ќе се одржи на 30 септември.
Централното претседателство за претседател на штабот го избра генералниот секретар на партијата г.Имер Алиу, а други членови се : потпретседателите на партијата, претставниците на партијата во законодавната и извршната власт, претставници од подмладокот и од форумот на жените, вкупно се 13 членови во централниот штаб.
Централното претседателство на ДПА, утврди дека евроатлантските интеграции се едни од основните определби на програмата на ДПА, и истовремено е основна определба и барање на сите албанци без оглед каде тие живеат.
Централното претседателство донесе одлука во текот на викендот да се формират општинските и локалните штабови и официјално да започне со кампањата ЗА референдумот кој ќе се одржи на 30 септември.
Денеска и утре (сабота/ недела) , ДПА ќе одржи седници со сите нејзини ограноци и подограноци почнувајќи од Липково, Куманово, Арачиново, Газибаба, Бутел, Шуто-Оризари, Чаир, Каршиака, Сопиште, Велес, Чашка, Сарај, Желино, Теарце, Тетово, Брвеница, Боговине, Врапчиште, Гостивар, Дебар, Кичево, Струга, Охрид, Ресен, Долнени,Крушево и Битола каде ќе се избират општинските и локалните штабови за претстојниот референдум.
Дпа ќе стартува со кампањата од понеделник со одржување на собири и средби со граѓаните со цел да се зголеми подршката за референдумот кој што ќе се одржи на 30 Септември.