По денешниот инцидент во Собранието, ДПА соопшти дека го напушта парламентот и сите активности во него.
–Ова што се случи денеска во Собранието е организирасн и оркестриран злочин од страна на Али Ахмети против албанската опозиција. Убиствата и насилствата во овие 13 години веќе се пренесоа и во Собранието, со намера да се елиминира албанската опозиција. Али Ахмети и неговите луѓе се претворија во јаничари на антиалбанската политика, како во последниот случај на донесувањето на уставните измени и антиалбанскиот буџет.
Итно бараме да се започне постапката за кривично гонење на овие насилници и криминалци како што се Талат Џафери, Реџаил Исмаили, Мерваин Ибраими Артан Груби и Муса Ибраими. Ние, во меѓувреме ќе превземеме адекватни заштитни мерки од овие насилници и злосторници.
Со оглед на настанатата ситуација, ние нема да присуствуваме на понатамошната работа на Собранието, ја информираме јавноста дека и покрај насилството и теророт, ние упорно ќе продолжиме да ги браниме албанските интереси, рече Имер Алиу од ДПА.