Досега вакцинирани 34.214 лица на возраст до 14 години со МРП вакцина

Од:

Министерството за здравство преку писмено соопштение информира дека вкупниот број вакцинирани лица на возраст до 14 години со МРП вакцина, од почетокот на епидемијата со морбили (мали сипаници) во целата држава изнесува 34.214. Од нив, 16.333 деца се вакцинирани на територија на град Скопје, додека пак, 17.881 дете е вакцинирано во останатиот дел од државата.

„Од почетокот на епидемијата во декември 2018 до сега, дополнително се аплицирани 6.108 дози на вакцина, од нив повеќе од 60% се дадени на здравствени работници, студенти и ученици во средните медицински училишта, а останатите се контакти и лица над 14-годишна возраст.

Во изминатата недела, пријавени се вкупно 7 случаи, од кои 5 се класифицирани како мали сипаници. Од вкупниот број на пријавени случаи, 4 случаи се од Скопје и еден е од Куманово“, соопштуваат од Министерството.

Во државата остануваат уште 8.642 невакцинирани деца на возраст до 14 години.

Од МЗ велат дека е потребно е да се засили спроведувањето на вакцинацијата, особено на предучилишните деца надвор од Скопје.

Остануваат на сила претходно препорачаните мерки и активности кои ги преземаат Центрите за jавно здравје, Институтот за jавно здравје, Министерството за здравство, ДСЗИ и вакциналните служби во пунктовите за вакцинација, со посебен акцент на вакцинација на сите чувствителни категории.

Вакцинацијата е единствената мерка за заштита од мали сипаници.

Би можело да ве интересира

Отворени шест Роса школи за родителство во Скопје, Гостивар, Битола, Струмица, Куманово и Охрид

Ана Ололовска

Филипче: Имаме еден од најдобрите системи за рано предупредување за болести и епидемии во регионот

Драган Поповски

Министерот Филипче и градоначалникот Костадинов од Валандово: Како никогаш досега вложивме во платите на здравствените работници

Драган Поповски

Институтот за клиничка биохемија со нов апарат за одредување бакар во урина и серум

А1он

Македонскиот државјанин заразен со коронавирусот е во добра и стабилна состојба, МЗ има целосен увид и контрола

Ана Ололовска

Реновиран одделот за интензивен рехабилитациски третман за деца со аутистичен спектар и комбинирани развојни нарушувања во Заводот за слух, говор и глас

Ана Ололовска