Нов автомобил-машина за метење улици од денеска е ставен на располагање на ЈКП „Комуналец“ од Прилеп, за почисти улици во градот и намалување на штетните ПМ 10 честички. Донацијата е од „Прилепската пиварница“, а како што рече генералниот директор Сашо Самарџиоски, соработката со општината ќе продлжи и во иднина.
– Само со успешна соработка и заемно разбирање, може да се даде максимален придонес не само во реализација на развојните планови на компанијата, туку и во развојот на заедницата, рече Самарџиоски.
Градоначалникот на Прилеп Илија Јованоски, заблагодарувајќи се на „Прилепска Пиварница“, ги повикува и другите претпријатија кои имаат одреден фонд за помош на заедницата да го дадат својот придонес за поубав Прилеп.