Донаторски состанок на кој ќе биде презентирана владината програма за намалување на аерозагадувањето ќе се одржи денеска во Свечената сала на Владата.
Како што соопштија од СЕП, на состанокот воведни обраќања ќе имаат заменик претседателот на Владата задолжен за европски прашања Бујар Османи, министерот за животна средина и просторно планирање Садула Дураки, како и заменик министерот и раководителот на интер-ресорката група за справување со загадувањето Јани Макрадули.
Пред почетокот на донаторскиот состанок ќе се одржи прес-конференција во Медиа центарот на Владата.