Модерна специјализирана техничка опрема, вредна околу 3,7 милиони евра, главно составена од термовизиски камери, детектори на срцебиење, системи за проверка на документи, системи за граничен надзор и посебни возила ќе биде примопредадена денеска на граничниот премин Богородица на македонско-грчката граница.
Опремата треба значително да придонесе за спречување и сузбивање на криумчарењето мигранти и трговијата со луѓе.
Свое обраќање ќе имаат Самуел Жбогар, шеф на Делегацијата на Европската унија, Оливер Спасовски, министер за внатрешни работи и Соња Божиновска-Петрушевска, раководител на канцеларијата на Меѓународната организација за миграции – ИОМ Скопје.