„ДОМ им ја честита Новата 2018 Година на сите граѓани во Република Македонија и им посакува среќа, здравје и благосостојба! Да биде ова година на олеснување и постигнување правда, мир и достоинствен живот дома, но и година на исчекор на меѓународен план!
Македонија и нејзините граѓани заслужуваат да здивнат, да живеат нормален, спокоен живот, да дишат со полни гради чист воздух, да бидат дел од прогресивниот свет! Да се потрудиме сите да се зближиме како луѓе, комшии, сограѓани и да ја направиме Македонија убаво место за живеење, за сите нас и за нашите деца“, се вели во честитката на ДОМ.