Министерот за финансии Кирил Миноски напразно се труди да се оправда за кратењето на ИПА фондовите, за што има вина како поранешен директор на УЈП.
Еве овој документ од Ставрески посочува директно на Миноски.
Ова е документ од Министерството за финансии со потпис и печат од тогашниот министер за финансии Зоран Ставрески испратен до Владата. Во него како што може да се прочита Ставрески укажува на директни слабости од УЈП чиј директор е тогаш Миноски, поради што ИПА програма не може да се реализира.
Станува збор за проект тежок 1.26 милиони евра средства од ИПА фондовите, што се уште не реализиран, како што призна и самиот министер Миноски преку Министерството за финансии.
Ставрески напишал до Владата дека УЈП под тогашно раководство на Миноски не работи доволно посветено, доцни со усвојувањето на актите за систематизација и договорите за твининг, градежни работи и набавки повеќе од очекуваното… поради што задолжителните резултати и планираните бенчмаркови НЕ МОЖАТ ДА БИДАТ ПОСТИГНАТИ!
Награда за Кирил Миноски од Никола Груевски за неговата неефикасност во реализацијата на ИПА фондовите е неговото поставување министер за финансии, на местото на кумот Зоран Ставрески.
Ете поради ваквиот однос на Груевски и неговите послушници, Р.Македонија веќе изгуби речиси 100 милиони евра од ИПА програмата, посочуваат од СДСМ.