Дојранското Езеро деновиве ја достигнува својата најповолна хидролошка состојба и првпат по 12 години од еколошката катастрофа ја надмина нулта котата за повеќе од 10 сантиметри.
Голем придонес за зголеменото ниво на Езерото имаат врнежите од дожд, зголемениот водотек од притоките од наша и од грчка страна, но и од природниот слив од планината Беласица.
Дојранските рибари велат дека надојдената вода ќе ја подобри општата состојба на Езерото и дека е добродојдена за мрестењето на рибите кои сега ќе имаат доволно кислород за живот, а туристичките работници сметаат дека водата го исполнува главниот услов за развој на туризмот.
Водата од Езерото, стигна до сламените чадори од главната плажа, на десетина метри од кејот.
