Штипското комунално претпријатие „Исар“ од денеска почна со доизградбата на канализационата мрежа во населбата „Стар Караорман“. Директорот на ЈП „Исар“, Ангел Бојаџиев рече дека досега се изградени околу четири километри канализациона мрежа, а со новите градежни активности 53 домаќинства во населбата ќе бидат поврзани во мрежата.
-Со овој проект ќе останат мал број на куќи, кои нема да се поврзат со канализационата мрежа. Тоа се околу 10 куќи во целата населба. Меѓутоа ќе направиме максимални напори, за да можат и овие куќи да се вклучат, бидејќи теренот е многу лош кај овие куќи. Така да со ова ќе се заврши проект со изградба на канализационата мрежа во населбата Карорман, вели Бојаџиев.
Тој забележа дека изградбата на канализационата мрежа во населбата Стар Карорман ќе биде комплетно завршен до септември, а Општина Штип ќе ги асфалтира и улиците во горниот дел од населбата, каде што во моментов се гради канализационата мрежа. Смета дека со реализирањето на овој проект, жителите на оваа приградска населба која се наоѓа на неколку километри од градот Штип ќе имаат современи и урбани услови за живот.