Во Свечената сала на Собранието на Република Македонија денеска ќе бидат доделени државните награди „Св. Климент Охридски“ за 2015 година за највисоко признание за долгогодишни остварувања во областа на воспитанието, образованието, културата, уметноста, здравството, заштита и унапредување на човековата околина и во социјалната дејност од јавен интерес на Република Македонија.
Државната награда „Св. Климент Охридски“ за остварување во областа на воспитанието и образованието им се доделува на проф. д-р Горан Ајдински, дефектолог, и проф. д-р Ратомир Грозданоски, теолог, библист и филолог, за остварување во областа на културата и уметноста наградата се доделува на Раде Силјан, поет, литературен критичар и есеист, додека за остварување во областа на здравството наградата се доделува на доц. д-р сци. Аспазија Софијанова-педијатар.