До крајот на 2023 година треба да биде завршен патот Извор – Гарски Мост

Од:

Завршена е рехабилитацијата на патот од Дебар до албанската граница. Во овој период се работеше и на физибилити студијата, главната проектна документација се заврши, во 2021 година согласно програмата на ЈП за државни патишта распишана е јавна набавка за избор на изведувач и за најдобра понуда за изградба на регионалниот пат Р2246, соопшти денеска премиерот Зоран Заев.

Тој изрази уверување дека во скоро време ќе се избере и изведувачот за делницата Извор – Гарски Мост, во должина од 19 километри, по што ќе почне и изведбата за да се запазат роковите и до крајот на 2023 година патот да биде завршен.

-Делницата Извор – Гарски Мост ќе овозможи целосно подобрување во врските меѓу Кичево, Дебар и албанската граница. Тоа значи побрзо и непречено одвивање на сообраќајот во југозападниот плански регион, при што ќе се скрати времето на патување меѓу Кичево и Дебар. Очекуваме овој проект да биде реализиран до крајот на 2023 година. ЈП за државни патишта почна и со целосна рехабилитација на регионалниот пат Р1202, делница Маворви Анови – Жировница во должина од 18.460 километри, инвестиција вредна 6,18 милиони евра. Трасата на оваа делница е продолжение на петходно завршената траса на делницата која се рехабилитираше, Бунец – Маврови Анови, истакна Заев, одговорајќи на новинарски прашања по прес-конференцијата со министерката Шахпаска во Владата.

Би можело да ве интересира

На граничните премини од македонска страна нема подолги задржувања за влез и излез од државата

Ана Ололовска

Укината забраната за сообраќај на патот Дебар-Маврово

ВИДЕО: Дупка длабока 20 метри се отвори на патот Маврово-Дебар

Кристијан Ландов

Дупка длабока 10 метри го затвори патот Дебар-Маврово

Катерина Павлова-Николовска

Кривична пријава за жител на Отишани за узурпација на државно земјиште

А1он

Сообраќајот по наместа влажни коловози

Ана Ололовска