ДКСК отвора предмет за владината кризна помош за невладините

Од:

Државната комисија за спречување на корупцијата на денешната седница одлучи да отвори предмет за владината парична помош на здруженијата и фондациите, исплатена како дел од мерките за справување со кризата на коронавирусот, а по приговорот поднесен од опозициската ВМРО-ДПМНЕ и коалицијата „Обнова на Македонија“, во кој се наведува дека е прекршен Изборниот законик со исплата на пари во време на изборна кампања.

– Исплатата на одобрените средства е на 1-ви јули и е во период на изборна кампања и претставува повреда на член 8 а став 1 алинеја два од Изборниот законик и член 43 од Законот за спречување корупција и судир на интереси. Поради тоа согласно нашите мерки се предлага да се покрене постапка пред надлежни органи за одговорното лице при Генералниот секретаријат, оценија од ДКСК.

Од владиниот Генерален секретаријат пред антикорупционерите појаснија дека исплатата извршена на 1-ви јули е врз одлука донесена на 13-ти јуни и од тие причини сметаат дека се работи за извршување на веќе донесена одлука.

Од ДКСК посочија дека одлуката можело да биде донесена претходно, но исплатата требало да почека, да се одложи и да се оствари по завршување на изборите.

На сметка на здруженијата и фондациите кои ги исполниле условите за да добијат помош легнале околу 30 милиони денари, односно околу 500.000 евра.

Би можело да ве интересира

СДСМ: Новата Влада ќе има помалку министри и за 20% намалена администрација

А1он

Владата го усвои полугодишниот Извештај за извршување на Буџетот

А1он

Прогласена кризна состојба на дел од територијата на Македонија поради зголемен обем на влез и транзитирање на мигранти

А1он

Заев: За 10-15 дена ќе имаме Влада, сите опции се отворени

Кристијан Ландов

Грчкиот премиер направи мали промени во Владата

А1он

Владата ќе помогне побргу да се изгради водоводот во тетовско Синичане

А1он