Директорот на Фондот за иновации, Јован Деспотовски половина од неговата плата ќе ја стави на располагање за формирање на солидарен фонд со цел да им се помогне да вработените во домашните фирми.
„Денес, сакам и јас да го дадам својот личен граѓански придонес во рамки на #ПридонесиИти. Половина од мојата плата ја ставам на располагање за формирање на Солидарен фонд кој ќе има за цел да им помогне на вработените во домашните фирми, пред се микро и мали, за да ги ублажат последиците од оваа криза“, вели Деспотовски.
Тој апелира и до други поединци и негови колеги да се приклучат во рамки на своите можности во оваа или други иницијативи.
„Благодарам, исто така, на компаниите од семејството на Фонд за иновации и технолошки развој за досега покажаната висока свест и општествена одговорност преку нивно приклучување на апелот на ФИТР“, додава Деспотовски
Претходно, министерката за финансии Нина Ангеловска кажа дека ќе се откажела од платата додека траеле кризните мерки.