Несериозни предлози за дневно политички маркетинг е оценката на координаторото на ВМРО-ДПМНЕ Илија Димовски дадена за предлозите за законски измени што денеска ги предложи опозицијата.
– СДСМ се обидува да биде бледа копија на ВМРО-ДПМНЕ, а фактот дека долго не работеа се гледа и во тоа што се обидуваат да играат неискусна маалска игра. Ќе ја лажат јавноста, ќе ветуваат се и сешто, само да да придобијат симпатии – рече Димовски.
Во однос на предложеното решение за минамална плата на СДСМ која бара таа да се зголеми од сегашните 9.590 на 11.000 денари, Димовски рече дека е неиздржано решение затоа што фирмте нема да можат тоа да го поднесат тоа и 30.000 луѓе веднаш ќе бидат избркани од работа.
– Со тоа наместо да им помогнеме, ќе им наштетиме – изјави пратеникот Димовски.
За предлогот на СДСМ да се укине екстерното полагање, тој рече дека е несиориозен и неодговорен предлог, а тоа било обид СДСМ да придобие поени на грбот на децата.
– Нема да дозволиме политичката безидејност на СДСМ да ја загрози иднината на децата – оцени Димовски.
За предложеното решение за Закон за буџетско финансирање за Димовски тоа е политичко подметнување, бидејќи според него, такво решение не постоело во ниту една европска држава.