Пратеникот од ВМРО-ДПМНЕ Илија Димовски реагира што повеќе од десет закони денеска се предлагаат да се носат по скратена постапка.
Тој рече дека ни еден пратеник немал време да ги прочита сите закони, па дури ни Тунтев кој крена два прста дека тој ги прочитал. Димовски рече дека очекува пратениците да речат дека и порано во време на ВМРО-ДПМНЕ се носеле вака закони, но како што рече не било добро да се практикува тоа што се критикува.
„Да се тргнат барем четири точки од дневниот ред кои се предлагаат по скратена постапка од приниципиелни причини“, побара Димовски, но неговите предлози беа отфрлени.
Галена Николовска-Ризвановиќ
