Пратеникот од опозициската ВМРО-ДПМНЕ, Илија Димовски побара од претседателот на Собранието, Талат Џафери да не го прекршува Деловникот на Собранието и да им даде збор на пратениците од неговата партија бидејќи тие биле „независни пратеници“.
Според него, до моментот кога сите 51 пратеник ќе поднесат документ до претседателот на Собранието дека се пратеничка група, сите можат да бараат процедурално збор, а Џафери морал да им го удоволи тоа веднаш.
Димовски истакна дека немаат намера да бидат деструктивни, напротив, дека ќе работат конструктивно, но морало да се почитува Деловникот бидејќи со брзањето да се изберат заменици министри парламентарното мнозинство ќе станело „гласачка машинерија“.
– Најмалку за еден поранешен наш колега ќе се изјасниме позитивно, меѓутоа вие брзате и во 1:40 по полноќ испраќате барања за седница до Собранието. Никој не ме извести мене дека имате намера да го правите ова. Вие сте 62, имајте во предвид дека други 58 не се со вас, рече Димовски.
Александар Тодески