Се што треба денеска да направиме е да го артикулираме гласот на граѓаните односно да констатираме дека овие уставни измени не можат да бидат составен дел од Уставот на Република Македонија и тоа не важи само за пратениците на ВМРО-ДПМНЕ. Доколку се почитува Уставот на РМ тој став треба да го имаат и пратениците на СДСМ, ова треба да заврши денеска, изјави пратеникот од редовите ВМРО-ДПМНЕ, Илија Димовски.
-Засега нема никаков договор помеѓу опозицијата и власта, денеска не е ситуацијата таква. Денеска единствено што треба да констатираме е да ја испочитуваме одлуката на граѓаните. Во вакви ситуации ниту Собранието е носител на одлуките, ниту Владата, рече Димовски пред почетокот на седницата.
За во иднина, Димовски на сите политичари во државата им посака многу памет, мудрост и свест.
Виктор Јованов