Нема да го поддржиме изборот за нов јавен обвинител бидејќи е спротивно на Членот 8а од Изборниот законик и на денешната седница ќе се спротивставиме на ваквата иницијатива на СДСМ, рече пратеникот Илија Димовски во врска со распишувањето на оглас за избор на нов јавен обвинител.
Исто така, тој информираше дека пратеничката група на ВМРО-ДПМНЕ денеска ќе поднесе три закони по скратена постапка – Закон за зголемување на минимална плата за административците од 5 отсто, Закон за извршители и Закон со кој на студентите ќе им бидат доделувани ваучери за компјутери.
Димовски истакна дека доколку СДСМ имаат фер пристап до овие предлози на ВМРО-ДПМНЕ тие исто така ќе бидат фер и конструктивни кон нивните предлози.
Виктор Јованов