Димитров во Холандија: Не сакаме да станеме членка на ЕУ само заради членството

Од:

На првиот ден од работната посета на Кралството Холандија, министерот за надворешни работи Никола Димитров оствари средба со Генералниот директор на Организацијата за забрана на хемиско оружје (OPCW), Ахмет Узумџу. Министерот Димитров на претпладневната средба изрази целосна поддршка за работата на Oрганизацијата – добитник на Нобелова награда за мир во 2013 год. „

Го поздравувам вашето лидерство – се’ поважно во овие неизвесни времиња кога рамката на мултилатерализмот е разнишана“- истакна министерот. На средбата беше разговарано за важните напори кои Организацијата ги презема во насока на имплементација на Конвенцијата за хемиско оружје. Димитров ја истакна посветеноста на Република Македонија во овој процес изразена и преку нашата актуелна координација на Источноевропската регионална група во Организацијата.

Тој имаше и обраќање на реномираниот Холандски институт за меѓународни односи – Клингендал. „Актуелниот напредок на реформите во Република Македонија може да има само позитивна корист од примената на Холандската формула заснована на строгост и фер пристап- јасно идентификување на знаци на уназадување и недоволен напредок, но истовремено и вреднување на постигнатото. Искуството со кризата донесе зрелост во нашиот пристап. Не сакаме да станеме ЕУ земја членка само заради членството. Потребен ни е процесот на пристапување, кој што во основа претставува алатка за трансформирање на нашата држава во Европска демократија“.

Работната посета на Димитров во Кралството Холандија продолжува утре со средби со министерот за надворешни работи на Холандија, Стеф Блок, обраќање пред членовите на Комисијата за европски прашања во Парламентот на Холандија, како и средби во Министерството за одбрана и холандското МНР.

Би можело да ве интересира

Холандија се закани: НАТО ќе соборува руски авиони

Драма во Холандија: Полицијата уби тинејџер пред ресторан за брза храна откако украде велосипед

Експлозија во Холандија, оштетени се четири куќи, повредени се три лица

(ВИДЕО) Брутална тепачка меѓу навивачи и полиција, запален автомобил, коњаницата ги растера демонстрантите

Холандија испраќа војници на првата линија во Украина

Несреќа во Холандија: Се урна балон со 34 патници, едно лице загина, петмина се повредени