Исполнета и продуктивна e денешната агенда на МНР Димитров на традиционалниот Бледски стратешки форум под наслов „Нова реалност“ кој денес и утре се одржува во Блед, Словенија. Се остваруваат конструктивни разговори на маргините, со цел унапредување на старите пријателства и создавање на нови партнерства и перспективи.
Во директен и конкретен разговор со Виолета Булц, еврокомесар за мобилност и транспорт, стана збор за потребата од поврзување и за значењето да се реализира одобрениот проект од договорот за заеднички транспорт, потпишан на самитот во Трст.
Со МНР на Романија Теодор Малескану, беше договорено да се направи квалитативен исчекор во билатералната соработка. МНР Димитров ја прифати поканата и наскоро ќе оствари официјална посета на Букурешт.
Министерот Димитров имаше и неколку интервјуа за реномирани медиумски куќи, како БиБиСи, Словенската Новинска Агенција и Дер Стандард од Австрија.
