Кандидатот за градоначалник на Општина Виница од СДСМ и Коалицијата, Ивица Димитров денеска најави инвестиции, поддршка и развој на спортот во општината.
– Како нова локална власт ќе посветиме големо внимание на спортот и спортските активности, со особен акцент на училишниот спорт. Планираме нови две спортски сали во основните училишта во Виница, делумна реконструкција на спортската сала „Капетан Кирчо Димитриев”, поддршка на сите спортски клубови во Виница, реновирање на тениските игралишта покрај гимназијата, изградба и реконструкција на спортски терени во населените места надвор од градот, отворање секции по корективна гимнастика за правилен развој на младите, рече Димитров.
Младите, како што истакна, се најважен дел во визијата на СДСМ за подобра Виница.
– Затоа активно ќе работиме на нивно задржување и интегрирање во нашата општина. Сите заедно да се обединиме околу идејата за создавање заедница на успешни и среќни граѓани, рече Димитров.