Димитров на проштална средба со словенечкиот амбасадор Јазбец

Од:

Министерот за надворешни работи Никола Димитров денеска оствари проштална средба со словенечкиот амбасадор во заминување Милан Јазбец, на која беше изразено задоволство од досегашниот развој на односите и соработката меѓу двете земји.

-Личниот ангажман и поддршката на Словенија на нашиот пат кон НАТО и ЕУ, е доказ за искрено пријателство меѓу двете држави. Пријателство потврдено со дела на кое најдобро што може да одговориме е со конзистентна заемна соработка и негување на одличните пријателски врски, рече Димитров.

Како што соопшти МНР, соговорниците разговараа за актуелните внатрешно-политички состојби во двете земји, со акцент на активностите на владите за справување со пандемијата и во овој контекст, напорите за намалување на социо-економските последици.

Притоа, тие констатирале дека и на наредната влада на Северна Македонија, примарна водилка треба да биде евроинтегративниот курс и реформски начела кои истиот ги подразбира, во функција на натамошен демократски и економски развој на државата и нејзина целосна интеграција во ЕУ.

Министерот Димитров го поздрави силниот и активен ангажман на амбасадорот Јазбец во земјава и воедно му врачи благодарница за неговата посветеност при промовирање на словенечко-македонското пријателство, билатералните односи и тесната соработка и партнерство, посакувајќи му успех во понатамошните ангажмани.

Би можело да ве интересира

Османи: Добиваме искусен дипломат и искрен сојузник на патот кон Брисел

Ана Ололовска

Османи: Одржувањето на првата меѓувладина конференција е договорена работа

Ана Ололовска

Османи ќе се сретне со шефот на албанската дипломатија Цакај

Ана Ололовска

Димиров во Атина на средби со Дендиас и Варвициотис

Ана Ололовска

Османи на средба со грчкиот колега Никос Дендиас, прва како министер за надворешни

Ана Ололовска

Средба на министерот Османи со новиот амбасадор на Словенија, Милан Предан

Ана Ололовска