Димитров: Македонскиот јазик го вративме во нацрт-преговарачката рамка

Од:

Во рамки на собраниската расправа по интерпелацијата на вицепремиерот Никола Димитров, пратеничката од опозициската ВМРО-ДПМНЕ Рахела Мизрахи го повтори ставот дека таа е резултат на немањето датум за безусловен почеток на преговорите за членство во Европска Унија што требаше да биде означена со првата македонско европска меѓувладина конференција. Според неа, Димитров не само што ја загрозил европската иднина туку и европската перспектива на државата.

-Одговорност мора да има. Политичка одговорност е основ и услов за обезбедување иднина на една држава затоа што за господинот Димитров законите не постојат. Еден пример е договорот од Нивици без намера да навлегувам во неговата содржина едно е факт, Димитров потпиша договор без да биде овластен од претседателот на државата што е инаку нормална уставна постапка. Затоа што едно изјавувате друго правите а трето се случува и тоа се случува за целата држава. Господине Димитров вие ја загрозивте не само македонската иднина и европската перспектива. Вие го загрозивте постоењето на македонскиот народ, историја, јазик и држава, рече Мизрахи.

Реплицираше вицепремиерот Димитров кој истакна дека во МНР е од 1 август 1996 година и од тогаш до 3 февруари 2021 година – негова мисија е македонската кауза, а во однос на заштитата на македонскиот идентитет и јазик посочи дека македонскиот јазик што го изгубивте во 2006 година е вратен лани во нацрт-преговарачката рамка.

-Јас не сум бил член и уште не сум на ниту една политичка партија. Мене македонската кауза ми е животен повик. Ајде сега да видиме таа кауза каде беше претходно, со сите грешки и слепила направени од слепила, дали зла намера не сакам да верувам, каде е денеска… Бевме Поранешна Југословенска Република Македонија во светското семејство и во сите меѓународни владини организации, државјанството ни беше на ФИРОМ… Денес сме Северна Македонија и на Република Северна Македонија, не сме Тунгузија, нашата држава, нашата територија за која немаме спорови е во северниот дел на регионот, поширок регион Македонија, заедно со други држави… Македонскиот јазик си е во нашата лична карта и ја заокруживме државноста и членството во Обединетите Нации, рече Димитров.

А, акедонскиот јазик што го изгубивте во 2006 година е вратен лани во нацрт-преговарачката рамка и ние како Македонци кои зборуваат македонски јазик ќе успееме и со европската интеграција бидејќи знаеме како, покажавме, рече Димитров.

Би можело да ве интересира

По четири месеци, постои надеж дека 22 илјади граѓани ќе ги добијат ветените по 6.000 денари државна помош

Пратениците расправаа за измени и дополнувања на неколку закони, за гласање немаше кворум

Жарко Настоски

Во Собранието дебата за дополнувањето на Законот за јавните набавки

Собранието ги разгледа годишните извештаи на ДКСК и на Народниот правобранител за 2019 година

Жарко Настоски

Собранието разгледа финансиски планови и извештаи за работа на институции, ќе се гласа дополнително

Жарко Настоски

Собранието разгледа повеќе закони од различни области

Ана Ололовска