Кандидатот за пратеник и носител на листа на СДСМ во првата изборна единица, Никола Димитров, изјави дека денес е голем ден за правната држава и за жедта за правда на македонските граѓани, кога стапува во сила, како што рече, тешко донесениот двотретински Закон за ЈО, закон за којшто два еврокомесари и претходниот Хан и актуелниот Вархеј ни кажуваат дека е битен за нашата кандидатура во очите на Брисел, на ЕУ.
„Некои земји многу експлицитно бараа овој закон да биде донесен, како што е Холандија и посебно холандскиот Парламент, закон што после година и пол тешки преговори во обид за политички консензус се донесе со двотретинско мнозинство, меѓутоа без учеството на опозициската ДПМНЕ. Зошто велам голем ден? Прво, затоа што случаите поврзани со прислушкуваните разговори што ги истражуваше, подигнуваше обвиненија и одеше пред судовите поранешното СЈО заради овој закон нема да одат под килим,“ рече Димитров.
„Второ, овој Закон овозможува јавните обвинители да не ги дираат политичките партии, туку самите обвинители,“ рече Димитров во изјава пред зградата на Јавното обвинителство,“