Жестока расправа се одвиваше во Собранието за избор на министри и дополнителни заменици министри согласно договорот од Пржино. Премиерот Димитриев кажа дека се надева дека овојпат ќе се дојде до изборите, бидејќи за кус период се формира влада за таа цел. Тој кажа дека очекува соработка и посветена работа од страна на министрите и дополнителните заменици министри, бидејќи минатиот пат тоа не се случило.
– Очекувам да покажеме лидерство во сите институции и крајно време е Македонија да има избори и нова политичка влада. И овие сто дена државата мора да функционира и мораме да бидеме посветени на економијата и на отворањето работни места, рече премиерот Димитриев.
Социјалдемократскиот сојуз на Македонија на вчерашниот централен одбор одлучи да ги врати истите кадри за министри и дополнителни заменици министри во владата. Оливер Спасовски повторно е министер за внатрешни работи, Фросина Ременски за труд и социјална политика, дополнителен заменик министер за финансии е Кире Наумов, Александар Кирацовски за информатичко општество и администрација и Љупчо Николовски во Министерството за земјоделство.
Александар Тодески