Аеродром мора да се развива, не само да се гради, вели кандидат за градоначалник на Општина Аеродром на Левица Марјан Димитриев, се вели во партиското соопштение.
„Левица предлага иновативен проект – ТЕХНОЛОШКИ ПАРК во Општина Аеродром. Овој проект има за цел да го преобликува карактерот на нашата општина, носејќи економска, технолошка и урбана разновидност – наместо едноличноста каде сѐ што се гради се само станови.
Технолошкиот парк ќе биде мултифункционален развоен кластер кој ќе ги поврзува ИТ секторот, старт-ап компаниите, истражувачите и жителите. На едно современо место што ќе пулсира со енергија и креативност.
Во состав на паркот ќе има и градинка, јавни и комерцијални објекти, за удобност и корист и на вработените и на локалните жители. Ова е визијата на Левица за паметен, функционален и жив Аеродром. Општина што нуди можности, не само ѕидови, велат од партијата.
