Во вторник, по новогодишното празнување во 2.55 часот во Прилеп, на ул. „Моша Пијаде”, се случила тешка сообраќајна незгода, при што автомобил „Дачија Логан” со прилепски регистерски таблички, удрило во електричен столб и на лице место починала сопатничката Евелина Блажеска (1995).
Сопатниците Ц.Д.(1995) и А.Н., кои излетале од возилото при судирот, се здобиле со тешки телесни повреди и се пренесени во Ургентниот центар во Скопје. Блажеска која била совозач, од тешките телесни повреди починала на самото место на несреќата.
Возачот на возилото, Н.К. (1991) се здобил со телесни повреди.
На возачот му бил извршен алко-тест со апарат „Дрегер” при што е утврдено присуство на алкохол во крвта од 0,85 промили.
За натамошна анализа се земени и примероци од крв и урина.
Увид направија полиција, основен јавен обвинител и истражен судија кој наредил обдукција на телото за да се утврдат причините за смртта.