Апарат „Vein Finder“ за полесно наоѓање вени кај мали деца денеска беше дониран на Универзитетската клиника за детски болести. Станува збор за донација на Центарот за дијализа Диамед Македонија.
Директорката на Клиниката, д-р Катарина Ставриќ, се збалагодари за апаратот, кој е прв во таа јавна здравствена установа и ќе им биде од голема корист на сестрите во ургентната и општата амбуланта каде од децата се земаат анализи за лабораториски иследувања.
– Мобилноста на горниот дел од овој апарат овозможува да може да се користи и по одделите каде ќе има потреба. Децата се многу чувствителни, многу состојби влијаат врз можноста да се боцнат. Иако сестрите се многу искусни, тие се соочуваат со проблем да се најде вена, да се даде терапија и да се направат испитувања. Со апаратот нема да има траума за детето и родителите, додаде д-р Ставриќ.