Денеска во Основниот суд во Кочани продолжи судењето против екс командирот на полицијата и неговиот заменик со распит на двајца полицајци од кочанската полиција.
Двајцата полицајци се претпоставува дека биле дел од групата ги извршувала “работните задачи” кој им ги наложувал командирот Тодоровски.
При денешниот распит двајцата полицајци ги отфрилја обвинувањата и рекоа дека тие директно не добивале наредби од претпоставените за честото одземање на сообраќајните исправи на гастрабајтерот од Италија. Убедуваа дека се неточни и тврдењата дека за да му ги врателе документите му барале патики, тренерки, 100 или 200 евра.
На судењето кое е презакажано за 25 овој месец предвидено е да бидат сослушани уште шестмина сведоци меѓу кои инспектори и раководители на сектори во кочанската и во виничката полициска станица.
