Детали за убиството во Капиштец: Заедно се коцкале па пукал во жртвата, го докрајчил со кундак по глава

Од:

Арачиновец, 46 годишен, е жртвата која утринава беше убиена во скопската населба Тафталиџе, убиецот е во бегство.

Пукањето се случило во казиното „Вин Вин“, кај Млечениот ресторан во Тафталиџе, кој се наоѓа на самата главна улица бул. ‘М.Т. Гологанов’, која е фреквентна.

МВР потврди дека жртвата е 46-годишен маж од Арачиново.

Дежурен јавен обвинител од Основното јавно обвинителство Скопје изврши увид на лице место

Според првичните сознанија жртвата во казиното пристигнал заедно со уште три лица, во видно алкохолизирана состојба. Извесно време играле на апаратите, а потоа жртвата започнал да се расправа и да се турка со едно од лицата со кои бил заедно во казиното.

Другите двајца се обиделе да ги раздвојат, но осомничениот извадил пиштол и неколкупати пукал во оштетениот. Потоа со кундакот од пиштолот го удрил повеќе пати во пределот на главата.

Овие информации ги потврди и Обвинителството.

Жртвата им подлегнала на повредите на лице место. Се трага по лицето за кое постои сомнение дека го извршило убиството.

По наредба на јавен обвинител, телото на починатиот е предадено на обдукција. Ќе се врши вештачење на траги и докази подигнати од лице место и ќе се разговара со сведоци на настанот. Обезбедени се снимки од видео надзорот на објектот.​​

 

Би можело да ве интересира

26-годишна жена од Битола осомничена за обид за убиство на нејзините баба и дедо

Горан Наумовски

Уапсен e мажот кој е осомничен за убиство на демократската претставничка Мелиса Хортман и нејзиниот сопруг

Приведени полицајци во врска со пожарот во „Пулс“ во Кочани

А1он

Девојка од Србија брутално убиена во Германија, полицијата приведе 34 годишен молер

А1он

Обновување на форензички софтвер, нема набавка на „софтвер за шпионажа“, реагира МВР

Катерина Ѓуровски

СДСМ: МВРО-ДПМНЕ на старите патеки, МВР набавува сомнителен софтвер за прислушкување