Детали за убиството во Грција: Убијците знаеле дека Орхан и Сеад денеска ќе го напуштат скапиот апартман

Од:

Грчката телевизија АНТ 1 повикувајќи се на полициски извори за убиството на македонскиот државјанин Орхан Бајрами викан Оки кој ноќеска е убиен во Сани Вилас, а неговиот пријател Сеад Слезовиќ е тешко повреден во инцидентот требало да се одјават денеска на пладне од апартманот, а според грчките истражителите двајцата убијци тоа го знаеле.

АНТ 1 објави дека на бројот 112 за итни интервенции анонимно лице пријавило пукање во Сани Вилас. Кога полициската патрола стигнала убијците биле избегани, а на лице место се најдени докази дека се испукани дваесетина куршуми.

Сани Вилас е ексклузивно место за престој во Грција каде за апартман дневно се плаќа по 600 евра.

За инцидентот во Грција денеска се огласи и МНР.

„Двајцата биле однесени во општата болница на Халкидики, каде едниот им подлегнал на повредите, додека другиот поради тежината на повредите е транспортиран во друга болница, во Полигирос. Според информациите на Aмбасадатa, на местото на настанот моментално се наоѓаат повеќе тимови на грчката полиција и работат на расчистување на околностите на настанот“, соопшти МНР.

Медиумите шпекулираат дека Бајрами е убиен во мафијашка пресметка.

Засега се знае дека двајца маскирани напаѓачи со мотор рано утрово околу 3.30 стигнале до изнајмениот апартман и пукале во Бајрами и Слезовиќ.

Од македонската полиција пак неофицијално велат дека Бајрами бил еден од водачите на кланот Дуќанџик. Во март годинава во Скопје беше убиен Јетон Кривањева – Жила, пријател на сега убиениот Бајрами. Жила и Оки, велат соговорниците од полицијата, биле водачи на бандата „Дуќанџик“.

Оваа банда имаше низа инциденти со ривалите од кланот Беланоца.

Би можело да ве интересира

Трагедија во Грција: Мајка ја претепа бремената ќерка, девојката доживеа спонтант абортус

Црвена тревога е прогласена за неколку региони во Грција

Одбраната на обвинетите за убиството на турскиот државјани во Штип бара преиначување на кривичното дело во „убиство на миг“

Грција нема да го екстрадира Аце Циганот за убиството пред 28 години

Катерина Ѓуровски

ВИДЕО: ДНК анализа конечно го откри силувачот и убиецот на Американка во случај од 1975 година

Тело на мртов маж од Тетово е пројдено во семејното возило, полицијата истражува дали е убиство или самоубиство

Горан Наумовски