Епидемиолозите со последните тестирања за откривање на новоинфицирани со корона вирусот во гостиварскиот регион, регистрираа десет нови случаи. Од меѓуопштинскиот кризен штаб потврдија дека резултатите на тестовите на Ковид-19 биле позитивни кај седум лица од општина Гостивар и три во општина Врапчиште.
Во најмалубројната гостиварска општина, Маврово и Ростуше нема нови случаи.
До денеска вкупниот број на активни случаи во гостиварскиот регион достигна 44. Во општина Гостивар активни се 23 , во Врапчиште 17 а во Маврово и Ростуше 4 случаи.
Од почетокот на пандемијата, во гостиварско направени се над 500 тестирања и вкупно се регистрирани 67 позитивни резултати(33 во Гостивар, 27 Врапчиште и Маврово Ростуше 7), Како последица од инфицирање со корона вирусот починаа четири лица. За излекувани се водат 19 пациенти.