Десет нови охридски плажи поставија спасители на вода. Ова доаѓа по интервенција и препораките на Црвениот крст дека е неопходно поставување на спасители доколку сакаат повеќе туристи на нивните плажи.
„По нашиот апел поголемиот дел од концесионете да ги отворат плажите и да ангажираат професионални спасители нови десет плажи ангажираа спасители и веќе забележавме два инциденти на тие плажи. Се забележуваат и бројни инциденти во однос на пружање медицинска помош, на лица кои се здобиле со повреди при скок и нагла промена на темепература“, велат од Црвен крст Охрид.
Инаку со цел поголема безбедност на капачите, деновиве на потегот од плажите Кубалибре, Кадмо, Бела Виста и на плажите кај Лагадин и Славија направени се т.н. капалишни појаси или заградени зони со можност за влез на пловните објекти исклучиво само на мостовите и на специјално обележани водени површини.
Со тоа опасноста од скутерите и другите пловфни објекти е значително намалена
„Во Струга од 9 плажи само 4 имаат спасувачи, помеѓу кои и плажите пред некои од хотелите“, вели Никола Кутаноски, спасител од Струга.
Мики Трајковски