Исушени дрвја, расфрлани дрва и прашина, смет и шут. Ова е околината во која работат народните избраници. Зад зградата на Парламентот не личи како да е строгиот центар на Скопје.
Од контејнерите се шири неподнослива миризба. Откако се изјалови обидот за изградба на гаража на овој простор, останале и штиците од некогашното градилиште.
Минувачите прашуваат кој е надлежен да го исчисти и осветли просторот, бидејќи неретко се и нападнати од групи кучиња скитници.
Освен Собранието, тука се седиштата на Министерството за транспорт и врски и Заводот за статистика.
