Дендиас: Независно од владите, договорите мора да се почитуваат

Од:

Договорите мора да се почитуваат, без разлика на Владите, а ние очекуваме целосно, доследно и со добра волја спроведување на Договорот од Преспа, порача министерот за надворешни работи на Грција Никос Дендиас по средбата во Атина со шефот на српската дипломатија Никола Селаковиќ.

-Истакнав дека ние го поддржуваме пристапниот процес на Северна Македонија и Албанија и ќе продолжиме со нашите напори за што поскоро свикување на првата меѓувладина конференција. Секако, во однос на Северна Македонија, го додадов она што го истакна грчкиот премиер Киријакос Мицотакис, pacta sunt servanda. Договорите мора да се почитуваат без разлика на Владите. А ние очекуваме целосно, доследно и со добра волја спроведување на Договорот од Преспа, рече Дендиас.

Говорејќи за регионот, шефот на грчката дипломатија истакна дека го повторил „цврстото противење на Грција за центрифугалните сили кои можеби ќе сакаат да ја прекројат картата на нашиот регион“.

-Тука морам да бидам искрен, директно го покренав влијанието на надворешните фактори кои со мантии како развојна помош и наводно историски, културни, религиозни традиции промовираат радикални идеологии и дестабилизирачка агенда на Балканот. Интеграција на Западен Балкан во европското семејство. Според нас овој е единствениот пат пред нив, рече министерот за надворешни работи на Грција.

Би можело да ве интересира

ВИДЕО: Грчки остров завеан, снег до еден метар

Нова мерка во Грција, некои скапо ќе ги чини

Ана Ололовска

Грчкиот телекомуникациски оператор Wind Hellas стана дел од Јунајтед Груп

Ана Ололовска

Грција вознемирена по рекордните 21.657 нови случаи на коронавирус регистрирани вчера

Ана Ололовска

Нова несреќа со чамец со мигранти во Егејското море, четворица загинати

Атина откажа божиќен настан поради пандемијата

А1он