„Демократскиот сојуз на припадниците на АРМ, им го честита “18-ти Август”, Денот на Армијата на Република Македонија.
Армијата на Република Македонија е гарант за територијалниот интегритет, стабилноста и меѓународната афирмација на Македонија.
Со високиот професионален однос и учеството во меѓународните мировни мисии, АРМ е најголемиот амбасадор во меѓународните односи, од каде постојано пристигнуваат честитки за високиот професионализам, посветеност и успешно извршување на сложените задачи.
Припадниците на АРМ заслужуваат и честитки и услови за обезбедување на подобар општествен третман и социјална сигурност“ се вели во соопштението на Демократски сојуз.
