„Министерството за земјоделство, шумарство и водостопанство и Владата на Р. Македонија секогаш се посветени на решавање на проблемите на граѓаните и на земјоделците. Покрај тоа што финансиски им помага преку субвенционирање на осигурувањето од временски непогоди со 60% од полисите, врши и обешететување на дел од направените штети. За разлика од Владите на СДСМ кога земјоделците не добиваа никакви субвенции.
Како и за другите случаи, така и со штетите направени од невремето во Ресен во тек е постапката за финансиска помош. Комисија формирана од Владата веднаш по невремето заедно со општинската комисија излезе на терен и направи проценка на штетите,а записникот и информацијата на почетокот на септември ја достави на седница на Владата. Владата ја прифати информацијата во целост.
Податоците според законската процедура мораат да се проверат по што во најбрз можен рок ќе следи и обештетувањето на последиците од невремето предизвикани од градот.
Владата не само што има расположение туку и веднаш ги вклучува законските механизми да им се помогне на земјоделските производители“, се вели во демантот на Министерството за земјоделство, шумарство и водостопанство на соопштението на СДСМ.