„Во однос на објавените фотографии кои се појавија во вчерашното издание на Вашиот електронски медиум во кои е прикажана состојба од простории на АРМ, Ве известуваме дека се работи за фотографии на простории од касарната „Јане Сандански“ во Штип кои веќе подолг временски период не се во функција и не се користат од страна на припадниците на АРМ сместени во оваа касарна.
Уште еднаш Ве информираме пред објавување или превземање на вакви „ексклузивни“ вести во кои се споменува АРМ, дека потребните веродостојни информации може да ги добиете од канцеларијата за односи со јавноста во ГШ на АРМ која најтранспарентно ќе Ви ги достави сите информации за кои сте заинтересирани.
Преку доставување на вакви неточни информации се влијае на нарушувањето на угледот на АРМ и на чувствата на припадниците на АРМ, кои со својот ангажман постојано ги потврдуваат своите определби и грижа за државниот територијален интегритет и суверенитет и за граѓаните на нашата држава“, се вели во демантот.