Делегација на македонскиот парламент предводена од Димовски на состанок на Северноатланскиот Совет

Од:

Делегација на македонскиот парламент предводена од пратеникот Илија Димовски, шеф на македонската делегација во Парламентарното Собрание на НАТО, денеска присуствуваше на состанок на Северноатланскиот Совет. Во делегацијата е и потпретседателот на Собранието на Република Македонија, Весел Мемеди.

dobivaj vesti na viber

Денешниот состанок на Северноатланскиот Совет беше претседаван од Генералниот секретар на НАТО Јенс Столтенберг, а во присуство на високи претставници од парламентите на 29 членки, меѓу кои и спикерот на Конгресот на САД, Ненси Пелоси, која лично до пратеникот Илија Димовски и до македонската делегација ги пренела честитките до македонскиот народ во име на Конгресот на САД.

На состанокот на Северноатланскиот Совет свое обраќање имаше и шефот на македонската парламентарна делегација во НАТО, при што истакна дека во Македонија се донесоа тешки и болни одлуки и затоа заслужуваат посебна почит од сите НАТО сојузници.

Потенцирајќи ја посветеноста на Македонија уште од далечната 1993 година кога прв пат македонското собрание ја утврди својата определба за членство во НАТО алијансата, Димовски побара забрзана ратификација на Протоколот за членство во НАТО од парламентите на сите 29 држави членки, но и се заблагодари на колегите од грчкиот, албанскиот и словенечкиот парламент кои веќе го сториле тоа.

Денешниот состанок на Северноатланскиот Совет македонската парламентарна делегација го искористи и за низ билатерални средби со претставници на парламентите од повеќе НАТО држави при што повторно побара забрзана ратификација на Протоколот за членство на Македонија од своите колеги во сите 29 членки. Очекувањата на македонската делегација се дека процедурата за ратификација на Протоколот за членство ќе оди брзо и без пречки во сите парламенти на државите членки на НАТО.

Македонската парламентарна делегација ќе ја продолжи својата посета во НАТО и следните два дена.

Би можело да ве интересира

Столтенберг: Мора да се земе предвид загриженоста на сите сојузници

Ана Ололовска

Ердоган им соопшти на лидерите на Шведска и Финска што очекува од нив

Ана Ололовска

Џонсон го убедувал Ердоган да соработува со Финска и Шведска за членството во НАТО

Ана Ололовска

Трас: Молдавија треба да се опреми по стандардите на НАТО

Ана Ололовска

Ердоган разговараше со холандскиот премиер за НАТО-патот на Шведска и Финска

Ландов

Ердоган не попушта: Повторно „не„ за Шведска и Финска