Делегација на КФОР преводена од командантот на оваа мисија генерал-мајор Џовани Фунго, денеска престојуваше во официјална посета на МО и ГШ на АРМ.
Генералот Фунго кој е на оваа должност од септември оваа година имаше одвоени средби со министерот за одбрана Зоран Јолевски и заменик началникот на ГШ на АРМ, генерал-мајор Мухамет Рацај.
Како што информираат од ГШ на АРМ, на средбата се разговарало за безбедносната состојба во регионот, ситуацијата со мигранската криза, соработката со силите на КФОР во однос на споделување на информации со АРМ кои се однесуваат на актуелната безбедносна ситуација и потенцијалните терористички закани.
– Делегацијата од КФОР беше запознаена со трансформацијата на АРМ и учеството во мировните операции, а гостите од КФОР пред ГШ на АРМ ја презентираа безбедносната состојба во зоната на одговорност на оваа мисија, како и активностите и идните планови на КФОР, се истакнува во сооштението на АРМ.
