Уште од раните утрински часови јужниот дел од градското подрачје на Кичево е без вода за пиење.
Како што информира ЈП „Комуналец“, корисниците кои живеат до булеварот, од кружниот тек спроти Агенцијата за вработување па до центарот на јужниот дел од градот имат прекин во снабдување со вода за пиење која ќе трае се до попладневните часови.
Причината за овој прекин, како што се наведува, е отстранување на техничкиот дефект во цефководот кој ги снабдува корисниците од градското подрачје. За отстранување на дефектот се ангажирани екипи.
Јавното претпријатие апелира граѓаните да имаат разбирање за прекинот во водоснабдувањето.
