Дел од Кавадарци денеска е без вода за пиење поради реконструкција на главниот цевковод преку кој се снабдува дел од средната и ниската зона во градот.
– Без вода се жителите на улицата „Методија Џунов-Џикот“. Реконструкцијата е дел од програмата на КФВ банката за техничка поддршка. Ги вадиме азбестно цементните цевки и на нивно место ставаме дуктилни цевки фи 400. Азбестно цементните цевки се стари и дотраени, вградени пред 40 години, појасни Марјан Прескакулев, раководител на работната единица за водовод и канализација при Јавното претпријатие „Комуналец” од Кавадарци.
Поради реконструкцијата, вода ќе нема до 16 часот. Прескакулев нагласи дека поради поволните температури нема редукции во водоснабдувањето на Кавадарци.