Дел од Кавадарци и неколку населени места во Кавадаречко утринава останаа без вода за пиење. Вода нема да има до 15 часот, информира раководителот на работната единица водовод и канализација при Јавното претпријатие „Комуналец“, Марјан Прескакулев.
– Водата е сопрена бидејќи поставуваме нова шахта со далечинско управување –поврзување во скада систем. Тоа значи дека отсега па натаму со далечиснко преку монитори и посебен систем кој е сместен во просториите на „Комуналец“ ќе се следи притисокот и протокот на водата. Со тоа ќе добиеме урамнотежување на притисокот на вода во водоводниот систем, а ќе ги намалиме и техничките загуби на водата, појасни Прескакулев.
Во моментов без вода се жителите од ниската зона покрај реката Луда Мара во Кавадарци, населбата Глишиќ и селото Марена, како и индустрискиот дел од селото Сопот.